21

 

“Hanggang Dito Na lang”

 

 Hindi ko na sasabihing hindi pa ako sigurado.

Hindi ko na iisiping baka sa huli, baka may tayo.

Hindi na ako aasa pang baka may magbago,

Dahil alam ko at alam mo,ngayon mismo,

wala talagang tayo.

Walang naging tayo.

Wala nang magiging tayo.

 

Nagsimula ang nararamdaman ko sa positibong salita at katangiang nakita ko sa iyo,

Hayaan mong tapusin natin ito,

Sa mga salitang negatibo.

Para siguradong, hanggang dito na lang.

Para siguradong magkaroon ng hangganan na.

 

Hindi ka gwapo,

Hindi ka matalino,

Hindi ka marunong maghintay,

Hindi mo ako hinintay!

Ang bilis mong naghanap ng kapalit ko,

Habang ako pinagpaplanuhan na ang pagsama mo sa buhay ko.

 

Wala akong matinong naging rason sayangin ang pagmamahal ko sa iyo ng napakatagal.

Pero ito pa rin ang kinahinatnan ko, ang magbuhos ng madaming pagmamahal.

Sobrang daming rason para kalimutan kita,

Pero pilit akong humahanap kahit isang rason,

para mahalin ka.

 

Pero ngayon, ito na talaga!

Hinding-hindi na uulit pa.

Tatapusin ko na.

Iiwan ko ang damdamin ko ito.

 

Hanggang dito na lang.

Ito na ang hangganan.